Nëse po kërkon një antipastë, një salcë për brusketën apo meze për raki, liptao tani në vjeshtë dhe kurdo është zgjedhja e duhur.

Përbërësit:

100 gramë arra të thërrmuara

100 gramë kastravecë turshi

200 gramë kos me yndyrë mbi 10 për qind

2 thelpinj të mëdhenj hudhër

Vaj ulliri

Kripë

Përgatitja:

Thërrmojmë arrat e qëruara dhe i hedhim në një enë të thellë. Kastravecët turshi dhe hudhërat i kalojmë në rende. (Hudhrat mund t’i shtypni në havan) I bashkojmë në enë me arrat. Shtijmë në të njëjtën enë kosin, vajin e ullirit dhe kripën. I përziejmë derisa krijojmë një masë kremoze. Nëse e doni pak më athët, shtojini dy lugë çaji nga lëngu i turshive.

Shërbeji dhe ke bërë figurë të lartë në pesë minuta.